وصفه بـكتلة السواد.. فنان مصري: النقاب ليس زيا إسلاميا وأقنع بناتي بعدم ارتدائه

جدد الفنان المصري صلاح عبد الله رفضه لفكرة النقاب ووصفه بـ"كتلة سواد"، مؤكدا أن النقاب ليس زيا إسلاميا.

وقال صلاح عبد الله خلال لقاء تلفزيوني ضمن برنامج "حبر سري" على فضائية "القاهرة والناس": "يعني إيه مقدرش أميز راجل عن ست ولا آخد بالي اللي دخل بيتي راجل ولا ست".

وأضاف الفنان المصري "أنا عارف دا راح يعملي مشاكل مع المتعصبين وناس تشتم لكن إحنا تعودنا عليها".

وتابع قائلا: "دي قناعتي.. النقاب اللي هو كتلة السواد ده مش زي إسلامي.. والله أعلم".

وأردف قائلا "لو بنت من بناتي قالت لي عايزة تتنقب هتبقى صعبة قوي وهرفض.. ولو عملت كده هحاول أقنعها لكن لو في إصرار في ارتدائه هتبقى مشكلة.. فكرة النقاب بالنسبة لي ولبناتي مشكلة.. ممكن تتحجب وأنا مش مربي بناتي على كده في التزام واحتشام ووالدتهم أيضا، إنما بحرية مش فرض وأنا مؤمن بالحرية".